د ظرفیت لوړونې روزنیز پروګرام ګډونوالو ته د ستاینلیکونه ورکول

د کانونو او پټرولیم وزارت له لوري د ظرفیت لوړونې روزنیز پروګرام د کانونو د ولایتونو ریئسانو لپاره د پنځو ورځو د 8/8/1401 نېټې په یاد وزارت کې په لار اچول شوی و نن پنجشنبه ۱۲/۸/۱۴۰۱ نېټې د ستاینلیکونو په ورکولو سره پای ته ورسېده.
دغه پروګرام د بشري منابع ریاست له لوري او د پلان او راپور جوړول، قوانینو او مقرارتو، عوایدو، مالي او حسابي، کانونو د قرارداد ورکولو او د جیولوجي سروې په برخه کې د یادو ریاستونو متخصیصینو له لوري ورته تدریس وشو.
نننۍ پروګرام د کانونو او پټرولیم وزارت سرپرست شېخ الحدیث شهاب الدین دلاور، تخنیکي مرستیال انجنیر وحیدالله حلیمي، د پالیسۍ او برنامو مرستیال ضیاء الرحمن اریوبي، بشري منابع رئیس مولوي احمد ضیاء خاکسار او یو شمېر رئیسا په ګډون د یاد وزارت د غونډو په تالار کې تر سره کړ.
د کانونو او پټرولیم وزارت سرپرست رئیسانو او مېلمنو ته د ښه راغلاست تر څنګ وویل، د افغانستان کانونه یو الهي نعمت ده او دا زموږ دنده ده چې له دې څخه په ښه توګه ساتنه او استفاده وکړو.

ټاکل شوې ده چې د ۲۱ ولایتونو لپاره دویم پروګرام راتلونکې اونۍ پیل شي.