د مس عینک پروژې د کان کیندنې پلانونو په اړه پریزنټېشن وړاندې شو

یاده غونډه د سه شنبې په ورځ د ۱۴۰۳/۹/۲۷ نېټې د کانونو او پټرولیم وزارت د مقام د دفتر عمومي رئیس الحاج معراج محمد معراج، د عینک مسو پروژې رئیس انجنیر حمیدالله حبیبي، تخنیکي ټیم او د MJAM او ENFI قراردادي شرکتونو متخصصینو په ګډون د وزارت د غونډو په تالارکې ترسره شوه.
غونډه د قرآنکریم د مبارکو آیتونو په تلاوت سره پیل شوه ور پسې د مس عینک پروژې رئیس مېلمنو ته ښه راغلاست ووایه او د یادې پروژې د وروستیو پرمختګونو او کارونو په اړه یې خبرې وکړې.
په پای کې د یو پریزنټیشن په ترڅ کې د ENFI شرکت استازي د عینک د مسو پروژې د پخوانیو کارونو او د تطبیقي پلانونو په اړه چې د مس عینک پروژې لپاره یې په پام کې لري اړین تخنیکي معلومات وړاندې کړل، له تخنیکي بحثونو وروسته د وزارت د مقام د دفتر عمومي رئیس او د دواړو لورو تخنیکي ټیمونو د یادې پروژې د عملي چارو پر چټکتیا ټینګار وکړ.