د پلان او پالیسۍ مرستیال د S N – Mining Corporation کمپنۍ له رئیس سره وکتل
د کانونو او پټرولیم وزارت د پلان او پالیسي مرستیال شیخ الحدیث مولوي عبدالرحمن قانت د سهشنبې په ورځ، د ۱۴۰۴ لمریز کال د وري په ۲۶مه نېټه، د هندوستان د S N – Mining Corporation کمپنۍ له رئیس سودیر شېتي او مل پلاوي سره و کتل.
په دې لیدنه کې د یادې کمپنۍ رئیس د وزارت رهبرۍ د مېلمه پالنې څخه مننه وکړه، د خپلې کمپنۍ د کار او فعالیتونو په اړه یې لنډ معلومات وړاندې کړل. نوموړي په افغانستان کې په ځانګړي ډول د هرات ولایت د چشت شریف د مرمر ډبرو کانونو په برخه کې د پانګونې لېوالتیا څرګنده کړه.
د وزارت د پلان او پالیسي مرستیال د کاني سرچینو په برخه کې د هغوی د پانګونې د لیوالتیا هرکلی وکړ او ډاډ یې ورکړ چې د پانګونې د زمینې برابرولو په برخه کې به د کانونو د قانون او کړنلارې له مخې ورسره همکاري وکړي.
