د کابل ولایت د شینې سیمې د خلکو له لوري د یو کان کشفول
د کانونو او پټرولیم وزارت ته د رالېږل شويو راپورونو له مخې د کابل ښار د دولسمې ناحيې اړوند د شينه کلي د خاکي خواجه الیاس تپې کان کیندنه او استخراج د ځايي خلکو له لوري پيل شوې. چې د دې موضوع د لا روښانتيا لپاره د هغه ځای يو شمېر مخور او سپينږيري نن شنبې د 22/11/1401 نېټې وزارت ته راغلل.
د کانونو او پټروليم وزارت سرپرست د ياد شوي کان په اړه د مفصلو معلوماتو له اورېدو وروسته د يادې سيمې د خلکو د ستاينې په ترڅ کې د کانونو او پټروليم وزارت د دوو انجنيرانو او دوو سيمه ييزو مسوولينو په ګډون د ياد شوي کان د څېړنې په موخه یو پلاوی وټاکه. تر څو د هغه ځای د مشرانو او کور څښتن چې هلته کان موقعیت لري په اړه لنډ معلومات وړاندې کړي تر څو د کانونو د استخراج چارې په لازم او قانوني توګه د وزارت له لوري تر سره شي.
همدارنګه چې یاد شخص له اقتصادي ستونزو سره مخ دی د کانونو او پټرولیم وزارت سرپرست لارښونه وکړه چې یو ټن د ډبرو سکاره او د کار تر پای ته رسېدو پورې دې هره میاشت ورته 15000 افغانۍ په وړیا توګه ورکړل شي.
