د کانونو او پټروليم وزارت سرپرست د ترکې هيواد له سفير سره وليدل
د کانونو او پټرولیم وزارت سرپرست شیخ الحدیث شهاب الدین دلاور د پنجشنبې په ورځ 1402/2/14 نیټې د مرستیالانو او یو شمیر رئيسانو په شتون کې د ترکیې له سفیر ښاغلي جهاد ارګین او له مل پلاوي سره په خپل دفتر کې وليدل.
د کانونو او پټرولیم وزارت سرپرست د ترکیې سفیر او مل پلاوي ته د ښه راغلاست په ترڅ کې د ترکیې او افغانستان ترمنځ د ښو، اوږدمهاله او دوستانه اړیکو په اړه خبرې وکړې او همدارنګه يې د افغان تاجک نفتي حوزې د پروژې چې مخکې قرارداد شوی و د کار د پیل او استخراج په اړه یې هم خبرې او نظرونه سره شريک کړل.
د کانونو او پټرولیم وزارت سرپرست یادونه وکړه چې د امنیتي وضعیت د ښه والي له امله د افغانستان په کانونو کې د پانګونې لپاره ډېر فرصتونه برابر شوي او هڅه کوو چې ملي او نړیوال پانګوال په ځانګړې توګه د دوست هېواد ترکیې پانګوال هم وکولی شي د دې فرصت څخه ګټه پورته کړي.
د ترکیې سفیر له افغانستان سره د سوداګریزو او اقتصادي اړیکو پر پیاوړتیا د ټینګار تر څنګ وویل: د هېواد پانګوال مو چمتو دي چې د دغه هېواد د کانونو په ګډون په افغانستان کې په بېلابېلو برخو کې پانګونه وکړي.
