د کانونو او پټرولیم وزارت اداري غونډه تر سره شوه
د کانونو او پټرولیم وزارت اداري غونډه نن چهار شنبې په ورځ د 20/2/1402 نېټې د کانونو او پټرولیم وزارت سرپرست شیخ الحدیث شهاب الدین دلاور په مشرۍ د مرستیالانو، رئیسانو او د بېلابېلو برخو آمرینو په شتون کې د وزارت د غونډو په تالار کې تر سره شوه.
غونډه د قرآن عظیم الشان د څو مبارکو آیاتونو په تلاوت سره پیل شوه ورپسې بیا د تېرې غونډې په موضوعاتو په ځانګړې توګه د ولایتونو رئیسانو لپاره چې ټاکل شوې ده په راتلونکې اونۍ کې تر سره شي بحث او نظرونه سره شریک کړل. چې د بشري سرچینو ریاست په دې برخه کې د خپل ټول چمتوالي ډاډ ورکړ.
د کانونو او پټرولیم وزارت سرپرست د غوڼدې د ګډونوالو ستونزې او وړاندیزونه واورېدل او د شته ستونزو د حل په موخه یې لازمې لارښوونې ورکړې. په پای کې غونډه د خېر دعا ویلو سره پای ته ورسېده.
