د کانونو او پټرولیم وزارت سرپرستوزیر په کابل کې د هند سفیر سره وکتل
کانونو او پټرولیم وزارت سرپرست وزیر ښاغلي عنایت الله مومند په کابل کې دهندوستان سفیر ښاغلي وینی کومار سره لیدنه ترسره کړه.
د کانونو او پټرولیم وزارت سرپرست ښاغلي عنایتالله مومند د افغانستان د صنایع استخراجي سکټور د تګلارې او د پروګرامونو په اړه وویل “ دصنایع استخراجي سکټور دمدیریت لپاره د افغان حکومت تګلاره ډيره واضحه ده "مونږ په مختلفو برخو کې تغیرات راوستي ترڅو پدې سکټور کې بهرنۍ پانګه اچونې ته زمینه برابره شي. هغه زیاته کړه چې د تګلارې په اساس مونږ غواړو چې د سکټور د مختلفو منرالونو ظرفیتونه معلومه کړو؛ ترڅو په صنایع استخراجي سکټور کې دچټکې اقتصادي ودې لپاره زمینه برابره شي.
ښاغلي مومند دهند سره دکانونو او پټرولیم وزارت د هغه اوه تفاهم لیکونو په اړه وویل " مونږ دسکټور په مختلفو برخو کې د هند دولت سره تفاهم لیکونه امضا کړي؛ ترڅو دا سکټور پرمختګ وکړي ددې لپاره چې دتفاهم لیکونو د مواردو تطبیق په سمه توګه شي اړتیا لیدل کیږي ترڅو دواړه لوري خپل کاري ټیمونه مشخصه کړي"
ښاغلي عنایت الله مومند د حاجیګګ کان په اړه وویل مونږ لیواله یو ترڅو هندی کمپنۍ خپل دریځ ددې کان په اړه روښانه کړي.
د ناستې په ترڅ کې ښاغلي وینی کمار د کانونو او پټرولیم وزارت سرپرست نه مننه وکړه او وویل” مونږ به صنایع استخراجي سکټور سره دتفاهم لیکونو په اساس خپلو مرستو ته دوام ورکړو.
هغه زیاته کړه چې مونږ به دظرفیت جوړونې برخه کې د کانونو او پټرولیم وزارت سره په ګډه کار وکړو؛ او دتفاهم لیکونو تطبیق لپاره به مشترک مکانیزم رامنیځ ته کړو؛ ترڅو چارې په ښه توګه تنظیم شي.
ښاغلي سفیر ډاډ ورکړه چې دحاجیګګ کان په اړه به د هندی شرکت سره خپلو خبرو ته دوام ورکړي.
