د کانونو او پټرولیم وزارت سرپرست د بیات ګروپ له رئیس سره وکتل
د کانونو او پټرولیم وزارت سرپرست محمد هارون چخانسوري، نن سهار په خپل کاري دفتر کې د بیات ګروپ له رئیس ښاغلي احسان الله بیات او دده له همکارانو سره وکتل.
د بیات ګروپ رئیس احسان الله بیات د بیات پاور پروژې د چارو په چټکتیا کې د کانونو او پټرولیم وزارت له همکارۍ مننه وکړه او د هېواد د استخراجي صنایعو د سکتور په نورو پروژو کې یې د همکارۍ لېوالتیا څرګنده کړه.
د کانونو او پټرولیم وزارت سرپرست محمد هارون چخانسوري د هېواد د استخراجي صنایعو په سکتور کې د شته فرصتونو او ظرفیتونو په اړه د معلوماتو ترڅنګ، د پانګونې لپاره د اسانتیاو د برابرولو، د شفافیت او تحرک د ټینګښت او د کاري فرصتونو د ایجادولو په اړه خبرې وکړې.
