د کانونو او پټرولیم وزارت سرپرست د تخنیکي او مسلکي زده کړو ادارې له عمومي رئیس لیدنه

د کانونو او پټرولیم وزارت سرپرست ښاغلي شیخ الحدیث شهاب الدین دلاور د چهارشنبې په ورځ د 9/1/1402  نېټې د تخنیکي او مسلکي زده کړو ادارې له عمومي رئیس مولوي غلام حیدر شهامت سره په خپل کاري دفتر کې ولیدل.
په دې کتنه کې دواړو لورو د هېواد په طبيعي زېرمو کې د لوړې پانګونې له لارې د افغانستان د ودې او پرمختګ په اړه خبرې وکړې، او د تخنیکي او مسلکي زده کړو ادارې له لوري د معدني سرچینو څخه په سمې استفاده کې د اړتیا وړ برېښنايي ماشینونو جوړول او د هغو د پرمختګ په اړه بحث او نظرونه شریک کړل.
د کانونو او پټرولیم وزارت سرپرست د دغه ریاست د پروګرامونو د هرکلي تر څنګ د کانونو او پټرولیم وزارت د هر اړخیزې همکارۍ ډاډ ورکړ.