د کانونو او پټرولیم وزارت سرپرست د غوریانو اوسپنې کان څلورم بلاک څخه لیدنه وکړه
د کانونو او پټرولیم وزارت سرپرست الحاج ملا هدایت الله بدري هرات ولایت ته د خپل سفر په ترڅ کې د یاد ولایت د غوريانو ولسوالۍ اوسپنې کان څلورم بلاک څخه لیدنه وکړه
ښاغلي بدري په دغه سفر کې د یاد کان چارې له نږدې وارزولې، ټينګار يې وکړ ، چې قراردادي شرکت باید د خپلو ټولو ژمنو سره سم خپلې چارې پرمخ یوسي، په ځانګړي ډول د سیمې خلکو ته د ټولنیزو خدماتو وړاندې کول، زېر بناوې جوړول، د معيار سره سم سروې او اکتشاف کول او له استخراج وروسته په کور دننه پروسس کول د قراداد مهمې برخې دي چې قراردادي کمپنۍ یې باید عملي کولو ته جدي پاملرنه وکړي.
