د کانونو او پټرولیم وزارت سرپرست د ټاپي پروژې له اجرائیوي رئیس سره وکتل

د کانونو او پټرولیم وزارت سرپرست الحاج ملا هدایت الله بدري د دوشنبې په ورځ د 16/7/1403 نېټې په خپل کاري دفتر کې د ټاپي پروژې له اجرائیوي رئیس مراد امانوف، د تر کمن ګاز او ټاپي کمپنیو له تخنیکي ټیمونو سره وکتل.

په دغه کتنه کې دواړو لورو د عملي کار پرچټکتیا، د کمپونو جوړولو، سیمه ییزو خلکو ته د کاري فرصتونو په رامنځته کېدو، هېواد والو ته د تحصیلي بورسونو برابرولو، د ګازو د وېش او قېمت، د ځمکو د استملاک د پاتې چارو په اړه یې خبرې وکړې.

د کانونو او پټرولیم وزارت سرپرست د ټاپي پروژې رئیس ته ډاډ ور کړ ویې ویل: موږ چمتو یو چې دیادې پروژې د چارو د چټکتیا په موخه همکاري وکړو.