د کانونو او پټرولیم وزارت سرپرست د ۳۲۶ هولډینګ شرکت له رئیس سره وکتل
د کانونو او پټرولیم وزارت سرپرست الحاج ملا هدایت الله بدري د چهارشنبی په ورځ د ۲/۸/۱۴۰۳ نېټې د ترکیې ۳۲۶هولډینګ استخراجي شرکت له رئیس سلیم شیشمان او د هغوی سوډاني او افغاني شریکانو سره په خپل کاري دفتر کې وکتل.
په دې کتنه کې ښاغلي شیشمان د سرو زرو او جستو کانونو د استخراج او معیاري پروسس په برخه کې پانګونې په موخه خپله لېوالتیا څرګنده کړه او د افغانستان د کانونو په سکټور کې یې د پانګونې د فرصتونو په برخه کې د همکارۍ غوښتنه وکړه.
د کانونو او پټرولیم وزارت سرپرست د هغوی د نظریاتو له اورېدو وروسته ژمنه وکړه چې د کانونو د قانون او کړنلارې له مخې به همکاري کوي.
