د کانونو او پټرولیم وزارت سرپرست د MCC شرکت له مرستیال سره وکتل
د کانونو او پټرولیم وزارت سرپرست شیخ الحدیث شهاب الدین دلاور نن شنبه د 16/2/1402 نېټې د مرستیالانو او یو شمېر رئیسانو په شتون کې د عینکو مس پروژې قراردادي شرکت MCC کمپنۍ تخنیکي مرستیال او مل پلاوي سره په خپل کاري دفتر کې ولیدل.
د کانونو او پټرولیم وزارت سرپرست شیخ الحدیث شهاب الدین دلاور د عینکو د مس پروژې اړوند په بېلابېلو موضوعاتو په ځانګړې توګه د یادې پروژې د تطبیق په برخه کې د شته ستونزو په اړه خبرې اترې وکړې.
په پاى کې د کانونو او پټروليم وزارت سرپرست يادونه وکړه چې اوس په ټول افغانستان کې امنيت تامين شوى دى او یاده کمپنۍ باید د خپل عملي کارونه لپاره ژر تر ژره عملي اقدام وکړي.
