د کانونو او پټرولیم وزارت سرپرست له روسي پانګوال سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د شنبې په ورځ د 25/6/1402 نېټې د MRT کمپنۍ له رئیس ښاغلي ګریمن کفانوف او د میګا ابرک کمپنۍ له رئيس انجنیر روح الله سادات سره په خپل کاري دفتر کې ولیدل.
په دغه لیدنه کې د افغانستان په طبیعې زېرمو باندې د پانګونې په شته فرصتونو خبرې وکړې او په ټول هېواد کې د سرتاسري امنیت په اړه بحث او نظرونه شریک کړل.
همدارنګه د یادو شرکتونو رئیسانو د افغانستان په کانونو باندې د پانګونې په ځانګړې توګه د زمرد ډبرو د کانونو په برخه کې یې خپله لېوالتیا څرګنده کړه، چې د کانونو او پټرولیم وزارت سرپرست ورته ښه راغلاست وویل، او بهرنیو کمپنیو ته د پانګونې د اسانتیاو رامنځته کولو په برخه کې د لازمو همکاریو ژمنه ورسره وکړه.
د یادونې وړ ده چې یادې کمپنۍ د مسلکي پرسونل او همدارنګه پرنړیوال سیستم برابر د قېمټې ډبرو د پرې کولو لپاره د نویو وسایلو په درلودلو سره د پانګونې غوښتونکي وو.
