د کانونو او پټرولیم وزارت مطبوعاتي کنفرانس
د کانونو او پټرولیم وزارت مطبوعاتي کنفرانس نن د سه شنبې په ورځ 7/4/1401 نېټې د یاد وزارت ویاند ښاغلي مفتي عصمت الله برهان له لوري د عواید رئیس مولوي محمد رسول عقاب او د وزارت مالیه ویاند ښاغلي استاد احمد ولي حقمل په شتون کې تر سره شو.
دغه کنفرانس د وزارت په مقام کې تر سره شو، چې د کانونو او پټرولیم وزارت ویاند بهر ته د ډبرو سکرو د صادراتو د پالیسۍ په اړه مفصل معلومات وړاندې کړل.
همدارنګه د مالیې وزارت د ګمرکي تعرفو په اړه د مالیې وزارت د ویاند استاد احمد ولي حقمل او د کانونو او پټرولیم وزارت د عوایدو په اړه چې د اسلامي امارت له پیل څخه تر اوسه پورې د وزارت د عوایدو رئیس مولوي محمد رسول عقاب لخوا د کنفرانس ګډونوالو او ټولو رسنیو ته معلومات وړاندې کړل او په پای کې د رسنیو پوښتنو ته ځوابونه وویل شوو.
همدارنګه د مالیې وزارت ویاند وویل، چې د مالیې وزارت د رهبرۍ د پرېکړې په اساس د هېواد په ګمرکونو کې د ډبرو سکرو د هر ټن صادراتي بیه له (۹۰) ډالرو څخه (۲۰۰) امریکايي ډالرو ته زیاته شوې ده.
