د کانونو او پټرولیم وزیر د دلتا نړیوالې کمپنۍ له اجرائیوي رئیس سره وکتل
د کانونو او پټرولیم وزیر الحاج ملا هدایتالله بدري د ۱۴۰۵ لمریز کال د وږي میاشتې په ۱۴مه نېټه، د سعودي عربستان د دلتا نړیوالې کمپنۍ له اجرائیوي رئیس، شاهر التقي سره په خپل کاري دفتر کې وکتل.
په دې لیدنه کې دواړو لورو د افغانستان د نفتو او ګازو د تفحص، اکتشاف او استخراج په برخه کې د پانګونې او همکاریو په اړه خبرې وکړې.
د دلتا نړیوالې کمپنۍ اجرائیوي رئیس د افغانستان د نفتو او ګازو په برخه کې د پانګونې په موخه د وزارت د تخنیکي ټیمونو سره د ترسره شویو خبرو پایله مثبته وبلله. نوموړي څرګنده کړه، چې د وزارت له لوري د اړوندو چارو د اسانتیا او له شرکت سره د تفاهم او هوکړې په صورت کې، دغه شرکت چمتو دی چې په نږدې راتلونکي کې په افغانستان کې د نفتو او ګازو په برخه کې پانګونه و کړي.
په پای کې دواړو لورو د یادو موضوعاتو او ګډو همکاریو د لا پراختیا پر دوام ټینګار وکړ.
