د کانونو او پټرولیم وزیر د سوداګرۍ او پانګونې خونې له رئیس سره وکتل
د کانونو او پټرولیم وزیر الحاج ملاهدایت الله بدري د سوداګرۍ او پانګونې خونې له رئیس سید کریم هاشمي سره په خپل کاري دفتر کې وکتل.
د پانګونې خونې رئیس په راتلونکې میاشتې کې په کابل کې د نندارتون د جوړېدو په اړه د کانونو او پټرولیم وزارت له مشرتابه سره په ګډې همغږئ او په یاد نندارتون کې د پانګوالو د جلبولو په اړه ټېنګار وکړ او همدا راز یې په افغانستان کې له پانګوالو سره په ګډه د تېلو د سترې معیاري تصفیه خونې د جوړېدو او د لس میلیونه امریکايي ډالرو په ارزښت د مالګې د تصفیه خونې چې په نږدې راتلونکې کې به یې چارې بشپړې شي معلومات وړاندې کړل، سربېره پر دې یې د کاني زېرمو په برخه کې د پانګونې په موخه خپل نظریات شریک کړل.
د کانونو او پټرولیم وزیر د هېواد د کاني زېرمو په برخه کې د پانګونې او د معیاري تصفیه خونو د جوړېدو په برخه کې یې د دوی هڅې وستایلې او همدارنګه یې ورسره په یادو برخو کې د کانونو د کړنلارې اړوند د همکاریو ژمنه وکړه.
