د کانونو او پټرولیم وزیر د هرات پوهنتون له استادانو او زده کړیالانو سره ولیدل
کانونو او پټرولیم وزیر محمد هارون چخانسوري د یاد وزارت د پالیسیو او ستخراجي برنامو له مرستیال محمد عتیق ذکي په ملګرتیا، تیره ورځ د هرات پوهنتون له استادانو او زده کړیالانو څخه لیدنه وکړه.
یاده برنامه چې د هرات پوهنتون اړوند امیر علي شیرنوایي په تالار کې نیول شوي وه، د برنامې په پیل کې د هرات پوهنتون علمي مرستیال د کانونو او پټرولیم وزیر او ورسره مل پلاوي ته د ښه راغلاست ویلو ترڅنګ، د هرات پوهنتون د برنامو او فعالیتونو په اړه مفصل معلومات واورول، او د کانونو او پټرولیم وزارت له رهبرۍ څخه يې په صنایع استخرجي سکتور کې د هرات پوهنتون زده کړیالانو لپاره د مشترکو علمي-تحقیقي برنامو او پرکتیک کارونو غوښتنه وکړه.
ورپسې کانونو او پټرولیم وزبر د یاد پوهنتون د زده کړیالانو له ګڼ حضور څخه د مننې ترڅنګ، د کانونو او پټرولیم وزارت د اداري جوړښت د تنظیم؛ ترڅو وکولای شو د کانونو جیولوژیکي معلومات په مؤثره توګه د کارونې او اداره کونې، او همداشان په صنایع استخراجي سکتور کې د نویو پروژو د پلي کیدو او په یاد سکتور کې د تحرک د ایجاد په موخه، د کانونو او پټرولیم وزارت د راتلونکو پلانونو په اړه معلومات وړاندې کړل. او همدارنګه ښاغلي چخانسوري په هرات پوهنتون کې د تیلو او ګازو څانګې د ایجاد، د ځوانانو په ځانګړي توګه د هرات پوهنتون زده کړیالانو لپاره په کانونو او پټرولیم وزارت او خصوصي سکتور کې د شته کاري فرصتونو د اسانتیا او په صنایع استخراجي سکتور کې د علمي څیړنو په برخه کې د مشترکو برنامو په لاره اچولو خبرې وکړې.
یاده برنامه د زده کړیالانو له لوري د پوښتنو او د کانونو او پټرولیم وزیر لخوا په قناعت لرونکو ځوابونو په وړاندې کولو سره پای ته ورسیده.
