د کانونو او پټرولیم وزیر د وزارت له کارکونکو سره وکتل
د کانونو او پټرولیم وزیر محمد هارون چخانسوري، نن سهار د وزارت له ټولو کارکونکو سره د جلا غونډو په ترڅ کې وکتل. په دغو کتنو کې د وزارت د نوي تشکیل په اړه چې د کانونو د لارې په نقشه کې د تعریف شویو مسئولیتونو، د ولایتونو او مرکز په کچه د تشکیلاتو د منطقي وېش او لومړیتوبونو له مخې ترتیب شوی، کارکونکو ته هر اړخیز معلومات ورکړل شول.
محمد هارون چخانسوري د وزارت کارکونکو ته وویل: د نوي تشکیل په تطبیق سره به د کاري مصئونیت ترڅنګ، وزارت په یوې عایداتي منبع واوړي او په سکتور کې به لازم تحرک او شفافیت تامین شي.
