د کندهار ولایت (600) ټنه سرب او جستو داوطلبي ترسره شوه
د کندهار ولایت د بي بي ګوهر او زاهدان سیمو (600) ټنو سرب او جستو داوطلبي د یوې رڼې پروسې په ترڅ کې ترسره شوه.
د کانونو او پټرولیم وزارت سرپرست شیخ الحدیث شهاب الدین دلاور د یادو سیمو سرب او جست چې مخکې یې اعلان ته سپارلي وو، د ټاکلي هیئت او اړوندو شرکتونو په شتون کې یې د یوې رڼې پروسې په ترڅ کې داوطلبي ترسره کړه.
په دغه داوطلبي کې ښاغلی حکمت الله ازاد یوټن په قېمت دې (455) ډالرو په ارزښت د بي بي ګوهر سیمې د 400 ټنو سرب او جستو ګټوونکی اعلان شو او همدارنګه المحمود شرکت یوټن په قېمت د (600) ډالرو په ارزښت د کندهار ولایت د زاهدان سیمې د 200 ټنو سرب او جستو ګټوونکی اعلان شو.
