د کنړ ولایت د 5 سیمو نفرایټو داوطلبي ترسره شوه

د کنړ ولایت د خاص کنړ ولسوالۍ 5 سیمو نفرایټ کانونو، کوزچنچن 1 او 2 چنچن ناو 1 او 2 او کلاول سیمو نفرایټ داوطلبي د کانونو او پټرولیم وزارت سرپرست په مشرۍ، د ټاکلي پلاوي او هغو شرکتونو په شتون کې، چې د پرو پوزلونو په ارزونه کې معیاري نمرې تر لاسه کړې وې د یوې رڼې پروسې په ترڅ کې داوطلبي ترسره شوه.
په پیل کې د کانونو او پټرولیم وزارت سرپرست شیخ الحدیث شهاب الدین دلاور د پورتنیو یادو شوو سیمو د داوطلبۍ په اړه خبرې وکړې زیاته یې کړه: دغه قراردادونه د یو ملیارد افغانیو په پانګونه سره د 5 کلونو لپاره په قرارداد ورکول کېږي او 2500 کسانو ته به د کار زمینه برابره شي.
په دغه داوطلبي کې:
خاور ننګرهار شرکت د کوزچنچن اول سیمې نفرایټ کان یوټن (2500000) افغانیو په قېمت سره ګټونکی شو.
لعل پادشاه نوید احمدزی شرکت د کوزچنچن دویم سیمې نفرایټ کان یو ټن(1500000) افغانیو په قېمت سره ګټونکی شو.
د مومند بازان شرکت چنچن ناو اول سیمې نفرایټ کان یو ټن (2500000) افغانیو په قېمت سره ګټونکی شو.
د هېواد ویژن شرکت د چنچن ناو دویم سیمې نفرایټ کان یو ټن په (850000) افغانیو په قېمت سره ګټونکی شو.
د رویال عطايي شرکت کلاول سیمې نفرایټ کان یو ټن په (350000) افغانیو په قېمت سره ګټونکی ا علان شول.