د کنړ کانونو ریاست د کانونو غیر قانوني کېندنو په تړاو د دې ولایت له قومي مخورو سره ناسته ترسره کړه
د کنړ کانونو ریاست د دې ولایت قومي مشرانو سره په دې ولایت کې د غیرې قانوني کان کېندنې او د کانونو قانون د عامه پوهاوي په تړاو د دې ولایت له قومي مشرانو سره لېده کاته وکړل.
په دې لیدنه کې، د کنړ ولایت د کانونو ریاست د قراردادونو څارنې مدیر د ناستې ګډونوالو ته د هېواد شته کانونو په ارزښت، عامه پوهاوي او د کانونو غیر قانونی کېندنو په اړه ګډونوالو ته بشپړ معلومات وړاندې کړل.
مشرانو د غیر قانونې کېندنو په هکله د کانونو ریاست سره ژمنه وکړه چې په دې برخه کې به له کانونو ریاست سره همغږي ولري. او همدارنګه قومي مشرانو د هېواد له کانونو څخه په قانوني ډول د استفادې لپاره پر پانګوالو غږ وکړ چې د قانون په رڼا کې د هېواد په شته کانونو پانګونه وکړي، چې د دې لارې به د کانونو په قانوني توګه استخراج او یو شمیر هېوادوالو ته کاري زمینه برابره شي.
