د کونړ ولایت کانونو ته نوی رئیس معرفي شو.

د کانونو او پټرولیم وزارت د 20/4/1444 نېټې 65 شمېرې وړاندیز او د افغانستان اسلامي امارت ریاست الوزرا د 26/4/1444 نېټې 1307 شمېرې د حکم پر اساس ښاغلی مولوي شیرین حقاني د مرحوم حاجي عبدالرحیم زوی د کنړ ولایت د کانونو د ریاست په دوهم بست کې د مقام د دفتر رئیس له لوري د یاد ریاست کارکوونکو ته ورمعرفي کړ.
د کونړ ولایت د کانونو نوي رئیس په خپلو خبرو کې د کانونو او پټرولیم وزارت له رهبري هیئت مننه وکړه او د یاد ریاست د چارو د لا ښه والي په موخه یې خپل کاري پلانونه په ګوته کړل. او ژمنه یې وکړه چې د وزارت د مقام او د یاد ریاست د کار کوونکو په همکارئ  به د کانونو او پټرولیم وزارت د پلانونو او برنامو په تطبیق کې  هیڅ ډول هڅې ونه سپموم.
مولوي شیرین حقاني تر دې وړاندې شپږ کاله د موسیسو د کمیسیون رئیس په توګه دنده ترسره کړې ده.