له عرب او چین پانګوالو سره د کانونو او پټرولیم وزارت سرپرست لیدنه
د کانونو او پټرولیم وزارت سرپرست ښاغلي شیخ الحدیث شهاب الدین دلاور نن یکشنبه د 1402 کال غبرګولي په 24 مه له هغو عربو او چینایي پانګوالو سره وکتل چې غواړي د افغانستان په کانونو کې پانګونه وکړي.
د کانونو او پټرولیم وزارت سرپرست هم د افغانستان په کانونو کې د پانګونې لپاره د عربو او چینايي پانګوالو د لېوالتیا هرکلی وکړ او ویې ویل: د هغو بهرنیو پانګوالو لپاره چې غواړي د هېواد په کانونو کې پانګونه وکړي، د کانونو او پټرولیم وزارت د بهرنیو پانګوالو د هڅونې او جذب په برخه کې قانوني همکاریو او د لازمو اسانتیاوو رامنځته کولو ته چمتو دی.
