محمد هارون چخانسوري: د انرژۍ د خدماتو د تنظیم اداره دې هغو ساحو ته د انرژۍ د رسولو لپاره لومړیتوب ورکړي چې د کانونو استخراج او پروسس پکې ترسره کیږي

firoz_admin
چهارشنبه ۱۳۹۹/۱۲/۲۰ - ۱۷:۶
56
د کانونو او پټرولیم وزیر محمد هارون چخانسوري، د انرژۍ د خدماتو د تنظیم ادارې له عمومي رئیس ډاکټر داود میرزایي سره په خپل کاري دفتر کې وکتل. په دې کتنه کې، د دواړو ادارو ترمنځ د همغږۍ په پراختیا بحث وشو. د کانونو او پټرولیم وزیر محمد هارون چخانسوري وویل: د کانونو استخراج او پروسس، د زیربنایي خدماتو شتون ته اړتیا لري. له همدې امله، د انرژۍ د خدماتو د تنظیم اداره دې هغو ساحو ته د انرژۍ د رسولو لپاره لومړیتوب ورکړي چې د کانونو استخراج او پروسس پکې ترسره کیږي. محمد هارون چخانسوري د ډبرو له سکارو څخه د انرژۍ د تولید د طرحې په اړه هم معلومات شریک کړل او د طرحې د تطبیق په برخه کې یې د انرژۍ د خدماتو د تنظیم له ادارې څخه د همکاریو غوښتنه وکړه. د انرژۍ د خدماتو د تنظیم ادارې عمومي رئیس ډاکټر داود میرزایي د خپلې ادارې له اړخه د هر ډول همکاریو ژمنه وکړه او د دواړو ادارو په کچه یې د تخنیکي ټیمونو د تشکیل او د ګډو همکاریو د تفاهم لیک د لاسلیک کولو غوښتنه وکړه. د کانونو او پټرولیم وزیر د همغږۍ د پیاوړتیا په موخه د دواړو ادارو د تخنیکي ټیمونو د تشکیل له وړاندیز څخه مننه وکړه او د دوه اړخیزې تفاهمنامې پر ځای یې د افغانستان د برېښنا شرکت په ګډون د همکاریو د درې اړخیز تفاهم لیک د ترتیبولو لپاره اړونده مسئولینو ته لارښوونې وکړې.

تازه خبرونه

پنجشنبه ۱۴۰۵/۲/۱۰ - ۱۲:۲۸
Background image

د کانونو او پټرولیم وزیر په بلخ ولایت کې د نفتو د سروې سیمې څخه لیدنه وکړه

د کانونو او پټرولیم وزیر الحاج ملا هدایت الله بدري بلخ ولایت ته د خپل سفر په ترڅ کې د محمدجان ډګر د نفتو د سروې سیمې څخه لیدنه وکړه.
یاده سروې د ازبکستان د ازبېک اورسیز جیولوجیکي کمپنۍ. . .

چهارشنبه ۱۴۰۵/۲/۹ - ۲۱:۵۲
Background image

د ننګرهار ولایت د خوګیاڼیو ولسوالۍ د ګچ ډبرو کانونو تخنیکي ارزونه ترسره شوه

د کانونو او پټرولیم وزارت مالي او اداري مرستیال، مولوي حسام‌الدین صابري، د ختیځ زون د ولایتي ریاستونو په همغږۍ، د ننګرهار د کانونو ریاست او تخنیکي ټیم په ملتیا، د خوګیاڼیو ولسوالۍ یو. . .

چهارشنبه ۱۴۰۵/۲/۹ - ۱۲:۴۵
Background image

مالي او اداري مرستیال د ننګرهار ولایت نفرایټ ډبرو له کانونو څخه لیدنه وکړه

د کانونو او پټرولیم وزارت مالي او اداري مرستیال مولوي حسام‌الدین صابري، د ختیځ زون د ولایتي ریاستونو په همغږۍ، د ننګرهار د کانونو ریاست او تخنیکي ټیم په ملتیا، د کان‌کېندنې اړوند سیمې. . .

بېرته خبرونه ته