د کنړ ولایت د نفرایټ او د غرني ولایت تراورټین ډبرو کان داوطلبي.

د کنړ ولایت د خاص کونړ ولسوالۍ د نفرایټ ډبرو کان او د غزني ولایت د ناور ولسوالۍ د تراورټین کان د داوطلبۍ پروسه چې مخکې اعلان شوي وو، نن سه شنبه 19/11/1400 نېټه د کانونو او پټرولیم  وزارت په مقام کې د داوطلبي پروسه په پوره شفافه فضا کې ترسره شوه. 
د کانونو او پټرولیم وزارت سرپرست شیخ الحدیث شهاب الدین دلاور د کونړ ولایت د خاص کونړ او د غزني ولایت په ناور ولسوالۍ کې د نفرایټ ډبرو د کانونو د داوطلبي پروسه د یو شمېر رسنیو او  هغو شرکتونو چې د پروپوزلونو  په ارزونه کې یې د داوطلبۍ شرایط پوره کړي وو په شتون کې د یوې شفافې پروسې او مؤظف هیئت تر نظارت لاندې تر سره کړه،
په دغه داوطلبۍ کې د خاص کنړ ولسوالۍ د B بلاک د نفرایټ ډبرو کان د حمرا شرکت یو ټن په 250000 افغانیو او د D بلاک نفرایټ کان د عبید ایوب نوري استخراجي شرکت یو ټن په څلور سوه زره  400000 افغانیو او همدارنګه د غزني ولایت ناور ولسوالۍ تراورتین د مالستان مرادینه مرمرو د استخراج او پروسس شرکت  یو ټن په دوه زره اوشل 2020 افغانیو په ارزښت ګټونکي اعلان شول.