کانونو او پټرولیم وزارت اداري ناسته تر سره شوه

د کانونو او پټرولیم وزارت سرپرست شېخ الحدیث شهاب الدین دلاور تر مشرۍ لاندې د اداري ناسته د تخنیکي، پلان او پالیسۍ، جیولوجي سروې مرستیالونو او د یاد وزارت رئیسانو په شتون کې  د چهارشنبې په ورځ د 16/9/1401 نېټې د یاد وزارت د غونډو په تالار کې تر سره کړه.
ناسته د قران عظیم الشان په څو مبارکو آیتونو سره پېل شوه. او د غور ولایت د سرب او جست څلور بلاکونو او د هرات ولایت اوسپنې څلور بلاکونو او د ډبرو سکرو استحکاماتو په اړه خبرې اترې وکړې. او همدارنګه یې د وزارت پلاوي د پلان او پالیسۍ مرستیال په مشرۍ یو کمیټه وټاکله چې د ډبرو سکرو د غیر قانوني استخراج د مخنیوي په موخه د کانونو جوازونه طرحه او ترتیب کړي.
په پای کې د کانونو او پټرولیم وزارت سرپرست د رئیسانو د فعالیتونو د راپور له اورېدو وروسته د تخنیکي او اداري چارو د لا ښه والي په موخه لازمې لارښوونې وکړې.