د کانونو او پټرولیم وزارت سرپرست له چینايي پانګوال سره لیدنه
د کانونو او پټرولیم وزارت سرپرست شیخ الحدیث شهاب الدین دلاور د 1402 کال د غبرګولي په 23 مه د چین هیواد کمپنۍ له هیئت سره په خپل کاري دفتر کې ولیدل.
د چیناني کمپنمۍ مسؤولینو د افغانستان د معدني زیرمو په ځانګړي ډول د نفت او ګازو په زیرمو کې د پانګونې د فرصتونو په اړه خبرې وکړې او په افغانستان کې یې د نفت او ګازو په برخه کې د پانګونې لپاره لېوالتیا څرګنده کړه.
د کانونو او پټروليم وزارت سرپرست: د افغانستان د معدني زيرمو په برخه کې د بهرنيو شرکتونو د لېوالتيا هرکلى کوو او زیاته یې کړه: افغانستان د نفت او ګازو زېرمو له پلوه بډایه هیواد دى، د کانونو او پټروليم وزارت به ډېر ژر په هېواد کې د نفت او ګازو یو شمېر زېرمې اعلان ته وسپاري. چې علاقمندان وکولی شي په قانوني ډول په داوطلبۍ کې برخه واخلي.
