د زابل ولایت د کانونو ساتنې کمېټې ناسته ترسره شوه
د کانونو ساتنې کمېټې غونډه د زابل ولایت د والي مرستیال الحاج مولوي محب الله حماس په مشرۍ د کمېټې غړو په ګډون ترسره شوه، د قېمتي او نیمه قېمتي ډبرو کانونو د غیر قانوني استخراج مخنیوی د یاد ولایت د ټولو کاني سیمو ساتنې په اړه یې خبرې وکړې.
د زابل ولایت د والي مرستیال د قانون په پلي کېدو ټېنګار وکړ ویې ویل: د کانونو ساتنې کمېټه خپل طرزالعمل لري، ددې طرزالعمل مطابق ټول مسئولیت لری، چې خپل فعالیتونه مخته یوسئ او میاشتنۍ غونډې ترسره کړئ، لاسته را وړنې او ستونزې د کمېټې له مشرتابه سره شریکې کړئ.
همدا راز د زابل ولایت د کانونو رئیس په یاد ولایت کې د شته کانونو په اړه د کمېټې غړو ته معلومات ورکړل زیاته یې کړه: د خوښۍ ځای دی چې په زابل ولایت کې تر اوس پورې د غیرقانوني استخراج کومه پېښه نه ده ترسره شوې.
