د کانونو او پټرولیم وزارت سرپرست ایران هېواد ته په رسمي سفر روان شو
د کانونو او پټرولیم وزارت سرپرست الحاج ملاهدایت الله بدري د مل پلاوي په ګډون د دوشنبې په ورځ د یو رسمي سفر په ترڅ کې ایران ته روان شو.
تمه ده چې په دغه سفر کې به د کانونو او پټرولیم وزارت سرپرست په یاد هېواد کې د کاني موادو د کارپوهانو او څېړونکو دویمه نړیواله غونډه کې ګډون وکړي او ددې تر څنګ به د بېلابېلو شرکتونو له استازو او پانګوالو سره هم وګوري چې په دغو لیدنو کې به د دوه اړخیزو همکاریو پر پیاوړتیا، د افغانستان په کاني ظرفیتونو، د کانونو په برخه کې د پانګونې په شته فرصتونو بحث او خبرې وکړي.
