د پنجشېر ولایت د زمردو شپږمه داوطلبي ترسره شوه
د (131300) امریکايي ډالرو په ارزښت د (2034) قیراطه زمردو داوطلبي د 2/5/1403 نېټې د پنجشېر دوالي د استازي، د کانونو رئیس، سیمه یزو مسئولینو، کان کیندنکو او رسنیو په شتون کې دیاد ولایت د غونډو په تالار کې د داوطلبۍ (بولۍ) له لارې وپلورل شول.
په دغه داوطلبۍ کې د هېواد 100 تنو سوداګرو برخه اخیستې وه، چې د اسلامي امارت ونډه پکې 10 سلنه ده او پاتې 90 سلنه د کان کیندنکو ده چې ټول د پنجشېر ولایت درانه اوسېدونکي دي، د یادونې وړ ده چې د پنجشېر ولایت د زمردو د کانونو د کیندنې په برخه پنځلس زره تنه په مستقیم او غیر مستقیم ډول په کار بوخت دي.
