د فاریاب ولایت د مالګې د دریو پروژو تړون د ۲۵ میلیونه امریکایي ډالرو په ارزښت لاسلیک شو
د کانونو او پټرولیم وزارت سرپرست الحاج ملا هدایت الله بدري د فاریاب ولایت د دولت اباد ولسوالۍ د میمنې، درزاب او اندخوی کان د مالګې درې پروژې چې مخکې یې د داوطلبۍ لپاره اعلان ته سپارلې وې د پروپوزل له ارزونې څخه وروسته یې د ابو سعید شرکت سره تړون لاسلیک کړ.
د يادونې وړ ده، چې د يادو پروژو ټول مساحت ١٤ کيلومټره دى او تړون يې د ١٥ کلونو لپاره لاسليک شو.
همدارنګه، د دې شرکت د ژمنو پر بنسټ، د ټولنیزو او چاپیریالي خدماتو سربېره، سیمه یزه ګټه، د پرسونل روزنه، د کارګرانو استخدام او بشپړ نهایي پروسس دروغتیا وزارت د خوړو او درملو معینت د سټنډرد مطابق منل شوی، دغه راز به د یادو پروژو د استخراج په پیل سره ګڼ شمېر هېوادوالو ته د کار زمینه برابره شي او د مالګې د تولید له پلوه به هېواد په ځان بسیا شي.
