د کانونو او پټرولیم وزارت د ریاست دفتر ته نوی رئیس معرفي شو.
ښاغلی مولوي مطیع الله حقاني د شېخ محمد جمعه حقاني ځوی چې د شرعیات له پوهنځي څخه فارغ دي، د کانونو او پټرولیم وزارت د ۶۷ ګڼې په حکم 11/9/1400 نېټې او د افغانستان اسلامي امارات د ریاست الوزرا د عالي مقام 16/5/1443 نېټې 581 ګڼې حکم پر بنسټ تېره ورځ 6/10/1400 نېټې د ښاغلي شېخ الحدیث شهاب الدین دلاور له لوري د دفتر د عمومي رئیس په توګه د همدې ریاست کارکوونکو ته ورمعرفي کړ.
ښاغلي مولوي مطیع الله حقاني د اماراتو د ملي اړیکو د کمیسیون پخواني سیاسي غړی و او وروسته بیا د هرات هوايي ډګر د سرپرست په توګه یې دنده تر سره کوله. ښاغلي حقاني د افغانستان د اسلامي امارات د کانونو او پټرولیم وزارت د رهبري هیئت له باور څخه د مننې تر څنګ یې ژمنه وکړه چې د یاد ریاست د کارکوونکو په همکارۍ به خپله دنده په صادقانه توګه پر مخ وړم.
