د کانونو او پټرولیم وزارت سرپرست د ارزګان ولایت له والي سره وکتل
د کانونو او پټرولیم وزارت سرپرست شیخ الحدیث شهاب الدین دلاور د ارزګان ولایت له والي ښاغلي مولوي علي جان سره په خپل کاري دفتر کې و کتل.
د ارزګان والي د وزارت له سرپرست سره د کتنې په موخه خوښي څرګنده کړه او همدا راز یې د کانونو د پروژو پرفعالیتونو، پرمختګونو او نورو اړوندو موضوعاتو په اړه بحث او نظرونه شریک کړل.
د ارزګان والي د یاد ولایت د خلکو ستونزې د وزارت له رهبري سره شریکې کړې او د ستونزو هواري په برخه کې یې د وزارت د مشرتابه د لا ډېرې پاملرنې غوښتنه وکړه.
د کانونو او پټرولیم وزارت سرپرست ډاډ ور کړ، چې د شته امکاناتو په شتون کې به د یاد ولایت د خلکو ستونزو ته رسېدنه وشي.
