د تخار ولایت د مالګې کانونو داوطلبي تر سره شوه

د تخار ولایت نمک آب ولسوالۍ د تاقچه خانه سیمې B,A او C بلاکونو او د کلفګان ولسوالۍ د ارچه کوتل سمیې مالګې کانونو داوطلبي نن چهارشنبه 7/4/1444 هـ ق چې د 11/8/1401 هـ شمسي سره برابره ده د یاد وزارت په مقام کې په شفافه توګه تر سره شوه.

د کانونو او پټرولیم وزارت سرپرست شېخ الحدیث شهاب الدین دلاور د یادې ساحې مالګې کانونه مخکې اعلان ته سپارلي وو نن یې د مرستیالانو، رئیسانو، موظف هیئت او 24 هغو شرکتونو په شتونو کې چې د پروپوزلونو په ارزونه کې د داوطلبۍ شرایط پوره کړي وو داوطلبي تر سره کړه.

په دغه داوطلبۍ کې د کلفګان ولسوالۍ ارچه کوتل مالګې د مطمین نادري د کانونو استخراج شرکت د رویالټي په قیمت سره په 3100 افغانیو په ارزښت، د  A بلاک مالګې کان د آغا ولي پوپل استخراج شرکت د رویالټي په قیمت سره د 3580 افغاني په ارزښت، د B بلاک مالګې کان د ساحل شرق میانه شرکت د رویالټي په قیمت د 3410 افغانیو په ارزښت او د تخار ولایت نمک آب ولسوالۍ د تاقچه خانه سیمې C بلاک مالګې کان د مطمین نادري کانونو استخراج شرکت د رویالټي په قیمت سره د 1122 افغانیو په ارزښت ګټونکي اعلان کړل.