د داوطلبۍ بیاځلې خبرتیا
دنشر تاریخ
د ختمیدو تاریخ
د کانونو او پټرولیم وزارت په پام کې لري، چې په نیمروز ولایت نیول شوې(۲۷۱) کیلو ګرامه بېلابېل ډوله ډبرې، د ۱۴۰۵/۰۸/۰۲ نېټې څخه د لس(۱۰) کاري ورځو لپاره د داوطلبۍ په موخه اعلان ته وسپاري:
• (۲۵.۳۵۰) کیلو ګرامه بریل(اکوامارین)؛
• (۲۹.۵۵۰) کیلو ګرامه ګوشینیت د ګچ او اپیدوت سره؛
• (۴۳.۷۵۰) کیلو ګرامه هایوئین؛
• (۱) کیلو ګرام ګارنیت الماندي؛
• (۰.۸۰۰) کیلو ګرامه هکمانایت؛
• (۰.۱۵۰) کیلو ګرامه اپیدوت؛
• (۲۸.۱۰۰) کیلو ګرامه سپوډمین (کنزایت) د ګوشینیت او ګچ سره؛
• (۱۳۹) کیلو ګرامه کنزایت.
د یادونې وړ ده چې د قیمت ټاکلو کمېټې د پرېکړې له مخې، د پورته یادو شویو کاني ډبرو لومړني قیمتونه د هر کیلو ګرام له مخې په لاندې ډول ټاکل شوي دي: اکوامارین (۱۱۸) امریکایي ډالر، ګوشینیت د ګچ او اپیدوت سره (۲۰) امریکایي ډالر، هایوئین (۴۸۰) امریکایي ډالر، ګارنیت الماندی (۸۰) امریکایي ډالر، هکمانایت (۱۰۰۰) امریکایي ډالر، اپیدوت (۷۰) امریکایي ډالر، سپوډمین (کنزایت) د ګوشینیت او ګچ سره (۲۰) امریکایي ډالر او کنزایت (۵۸) امریکایي ډالر، یا د ورځې د نرخ له مخې معادل افغانۍ ټاکل شوی دی.
لېواله شرکتونه چې غواړي یادې شوې کاني ډبرې له ټاکل شوي قیمت څخه په لوړه قیمت واخلي، خپل غوښتنلیکونه دې د کاډستر او تړونونو د پلي کولو عمومي ریاست ته وسپاري او د ټولیز قیمت لس (۱۰) سلنه نغدې پيسې د بانکي ضمانت لیک په توګه د داوطلبۍ په ورځ له ځان سره ولري.
