د لوګر ولایت د کانونو ساتنې کمېټې غونډه ترسره شوه
یاده غونډه د لوګر مرستیال والي الحاج مولوي محمد انور دین پرور په مشرۍ ، د کانونو رئیس مولوي نقیب احمد فرقانې او د کمېټې غړو په ګډون ترسره شوه.
د یاد ولایت د کانونو رئیس زیاته کړه د خوښۍ ځای دی چې د ښې همغږۍ په ترڅ کې د کانونو د قاچاق، غیر قانوني کیندنې مخنیوی شوی دی، د قانوني استخراج لپاره مو منظم پلانونه په پام کې نیولي دي.
دغه راز د لوګر مرستیال والي وویل: الحمدلله په ټول هېواد کې امنیت تامین دی د کانونو د قانوني کیندنې او دټولو کورنیو او بهرنیو پانګوالو لپاره د کانونو په برخه کې د پانګونې ښه زمینه برابره شوې ده، همدارنګه د کمېټې غړو ته یې سپارښتنه وکړه چې په خپل منځ کې لازیاته همغږي رامنځته کړي.
په پای کې د کمېټې غړو د کانونو غیر قانوني کیندنې او قاچاق د مخنیوي په اړه خپل نظریات او وړاندیزونه شریک کړل.
