د لویو کانونو پروژو د داوطلبۍ په اړه معلوماتي غونډه تر سره شوه
د کانونو او پټرولیم وزارت، د مالیې، د اقتصاد، صنعت او سوداګرۍ ، د انرژۍ او اوبو وزارتونو او د چاپیریال ساتنې ادارې تر منځ د هرات ولایت د غوریانو اوسپنې او د غور ولایت د سرپ او جست پروژو د داوطلبۍ اسنادو د ارزونې په موخه د کانونو او پټرولیم وزارت سرپرست وزیر شېخ الحدیث شهاب الدین دلاور په مشرۍ نن شنبه 22/5/1401 نېټې د وزارت په مقام کې غونډه تر سره شوه.
په غونډه کې د کانونو او پټرولیم وزارت سرپرست د یادو پروژو د جزئیاتو په اړه د هر اړخیزو معلوماتو د وړاندې کولو ترڅنګ د کانونو او پټرولیم وزارت د لویو کانونو ریاست د پروسې او د مخکیني ارزونې د پوښتنلیک د څرنګوالي او د بعضو داوطلبانو په اړه د پرزنټيشن له لارې معلومات وړاندې کړل.
