د پنجشېر ولایت زمردو اوومه داوطلبي ترسره شوه

د (124600) امریکايي ډالرو په ارزښت د (3977) قیراطه زمرد د 16/5/1403 نېټې د پنجشېر د والي استازي، کانونو رئیس، سیمه یزو مسئولینو، کان کیندونکو او رسنیو په شتون کې دیاد ولایت د غونډو په تالار کې د داوطلبۍ (بولۍ) له لارې وپلورل شول.

په دغه داوطلبۍ کې د هېواد 100 تنو سوداګرو برخه اخیستې وه، دغه راز وروسته له هغې چې د دې ولایت د رهبرۍ په کوښښ د پنجشېر ولایت زمردو د ښوولو او نړیوالو بازارونو ته د پېژندلو لپاره هڅې وشوې، د دې ولایت د زمردو د پلور بازار او نرخونه ښه شوي دي اوس د دې ولایت زمرد د هېواد په نوم په لوړه بیه پلورل کېږي، د یادونې وړ ده چې د پنجشېر ولایت د زمردو کانونو د کیندنې په برخه کې پنځلس زره تنه په مستقیم او غیر مستقیم ډول په کار بوخت دي او په راتلونکې کې به د کانونو د استخراج په پراختیا سره لا ډېرو کسانو ته د کار زمینه برابره شي.