د کانونو او پټروليم وزارت سرپرست د نورستان ولایت له امنیه قومندان سره ولیدل.
د کانونو او پټروليم وزارت سرپرست شيخ الحديث شهاب الدين دلاور د یکشنبې په ورځ5 /1402/6 نېټې د نورستان ولایت امنیه قومندان مفتي محمد یوسف جمالزي او یو شمېر مشرانو سره په خپل کاري دفتر کې وليدل.
په دغه لیدنه کې د خلکو پر وضعیت او د یاد ولایت د معدني زېرمو په اړه بحث او نظرونه شریک کړل.
د نورستان امنیه قومندان غوښتنه وکړه چې د وزارت تخنیکي ټیم دې یاد ولایت ته سفر وکړي ترڅو د یاد ولایت د کانونو سروې ترسره کړي.
د کانونو او پټرولیم وزارت سرپرست د نورستان ولایت امنیه قومندان ته ډاډ ورکړ چې د خلکو ستونزو او د نورستان ولایت معدني زېرمو سروې لپاره به د وزارت له لوري لازمه پاملرنه وشي.
