د کانونو او پټرولیم وزارت ته د نويو معینانو معرفي کېدل

د امیرالمونین شېخ الحدیث مولوي هیبت الله آخندزاده  د 26/10/1443 نېتې د 722ج1 شمېره د فرمان په اساس، انجینیر وحیدالله حلیمي د تخنیکي معین، شېخ ضیاء الرحمن اریوبي د پالیسي معین، مولوي حسام الدین صابري د مالي او اداري معین او انجینیر نورالله ستانکزی د سروې جیولوجي معین په توګه نن 20/3/1401 نېتې د یاد وزارت سرپرست شېخ الحدیث شهاب الدین دلاور له لوري د ریاست الوزرا عالي مقام د نمایندګانو، د ځینو وزارتونو معینانو او مسوولینو په حضور کې د دغه وزارت ریسانو او کار کوونکو ته رسماً ورمعرفي کړل.

د کانونو او پټروليم وزارت سرپرست وويل: چې په ا.ا.ا کې قومي، ژبني او نژادي مسايلو ته هيڅ ځاى نشته او په اوسنيو شرايطو کې د افغانستان اوسنی نسل ته تر بل هر وخت زيات مسووليت لري چې د دې ستر هدف لپاره لاسونه سره يو کړي. تر څو د خلکو د ارامۍ ، د افغانستان د ابادولو او اقتصادي پرمختګ لپاره هلې ځلې وکړو.

د کانونو او پټرولیم وزارت نویو معینانو د امیرالمومنین او د شېخ الحدیث شهاب الدین دلاور څخه مننه وکړه چې پر موږ مو باور وکړ چې په یو داسې سالمه فضاء کې مو د کار زمینه برابره کړه. موږ له تاسې څخه منندوی یو، او دا وعده کو چې د وزارت د مقام په ملاتړ پوره کوشش به کوو چې د افغانستان اسلامي امارت د قوانینو پر اساس به خپلې دندې تر سره کوو.

او همدارنګه په دغه غونډه کې د شهیدانو او معلولینو وزارت معین مولوي عبدالحکیم حقاني او د امربالمعروف او النهی عن المنکر وزارت نماینده شېخ محمد یحیی هم خبرې وکړې، او د دغه وزارت کار کوونکو ته یې ته یې لارښوونه وکړه چې خپل کارونه په صادقانه، اخلاص او ایماندراۍ سره تر سره کړئ، او له الله تعالی څخه یې ورته د بریالیتوب غوښتنه وکړه.

او غونډه د دعوت او ارشاد سرپرست رئیس ښاغلي مولوي فضل الکریم په دعا سره پای ته ورسېده.