د کانونو او پټرولیم وزارت د رهبري پلاوي غونډه ترسره شوه
د کانونو او پټرولیم وزارت سرپرست شیخ الحدیث شهاب الدین دلاور په مشرۍ رهبري غونډه، د پلان او پالیسۍ مرستیال شیخ ضیاء الرحمن الاریوبي او رئیسانو په ګډون ترسره شوه.
په غونډه کې لومړۍ د کانونو وزارت د تېرې غونډې پرېکړې تعقیب او د کانونو د یو شمېر ریاستونو او قراردادیانو ستونزې او وړاندیزونه د وزارت د مقام د دفتر رئیس له لوري واورول شول.
ورپسې د کوچنیو کانونو د کان کیندنې جواز چې د وزارت د رهبرۍ له لارښوونې سره سم د کوچنیو کانونو د قراردادونو د تطبیق ریاست له خوا د دقیقې څېړنې په موخه د تخنیکي او حقوقي کارپوهانو کمېټې ته ورکړل شوی وو، دیاد شوي جواز اصلاح شوې بڼه د پرزنټېشن له لارې د کمېټې له خوا وړاندې شوه، د کانونواو پټروليم وزارت سرپرست يې له اورېدو څخه وروسته لازمې سپارښتنې او لارښوونې وکړې.
همدارنګه یې په یو لړ نورو مهمو موضوعاتو او د ریاستونو د کارونو د ښه والي په موخه بحث او نظرونه شریک کړل، لازم تصمیمونه ونیول شول او اړوندو ادارو ته لارښوونه وشوه چې د غونډې د پرېکړو مطابق عمل وکړي.
