د کانونو او پټرولیم وزارت سرپرست د بادغیس له والي سره وکتل
د کانونو او پټرولیم وزارت سرپرست شیخ الحدیث شهاب الدین دلاور د بادغیس له والي ښاغلي مولوي عبدالصمد جاوید سره په خپل کاري دفتر کې وکتل.
په پیل کې د بادغیس والي د وزارت له سرپرست سره په لیدنې خوښي څرګنده کړه، د کانونو د پروژو د فعالیتونو، پلي کېدو او کارونو د پرمختګ په اړه یې خبرې وکړې دغه راز یې د یاد ولایت د خلکو او یو شمېر قراردادیانو ستونزې د وزارت له مشرتابه سره شریکې کړې.
د کانونو او پټرولیم وزارت سرپرست ډاډ ورکړ چې د شته امکاناتو په شتون کې به د یادو شویو ستونزو په موخه همکاري وکړي.
