د کانونو او پټرولیم وزارت سرپرست د غزني له والي سره وکتل
د کانونو او پټرولیم وزارت سرپرست شیخ الحدیث شهاب الدین دلارو د غزني له والي ښاغلي حافظ محمد امین عمري سره په خپل کاري په دفتر کې وکتل او دیاد ولایت د پروژو او کاني زېرمو او نورو اړوندو مسایلو په اړه یې خبرې وکړې.
د غزني والي د یاد وزارت د مشرتابه د هڅو څخه مننه وکړه، د یاد ولایت د خلکو وړاندیزونه او ستونزې یې د کانونو او پټرولیم وزارت له سرپرست سره شریکې کړې او په یاد ولایت کې د کاني زېرمو د پروژو د پلي کېدو په برخه کې د لاډېرې پاملرنې غوښتنه وکړه.
د کانونو او پټرولیم وزارت سرپرست د غزني والي ته ډاډ ورکړ، چې د شته امکاناتو په شتون کې به د دغه ولایت د خلکو ستونزو ته رسېدنه وشي.
