د کانونو او پټرولیم وزارت سرپرست د فاریاب له کاني سیمو لیدنه وکړه
د کانونو او پټرولیم وزارت سرپرست الحاج ملا هدایت الله بدري فاریاب ولایت ته د خپل سفر په ترڅ کې په داسې حال کې چې د یاد ولایت مرستیال والي او د کانونو رئیس یې ملتیا کوله له بېلابېلو کاني زېرمو څخه لیدنه وکړه.
په دغه سفر کې اندخوی، درزاب او میمنه د مالګې دریو بلاکونو، د شیرین تګاب ولسوالۍ د ګچو کانونو او د طوطي میدان د تېلو زېرمو څخه لیدنه او ارزونه وکړه دغه راز یې تړوني شرکتونو استازو ته دچارو په چټکتیاد استخراج، پروسس او روڼتیا په موخه ځانګړې لارښوونې وکړې، د فاریاب ولایت د خلکو ستونزې او وړاندیزونه یې واورېدل د حل په موخه يې ورسره د همکاریو ژمنه وکړه همدارنګه د کانونو تړوني شرکتونه ته یې سپارښتنه وکړه چې د یاد ولایت خلکو ته د ټولنیزو چوپړتیاوو سربېره د کان کیندنې په برخه کې کاري فرصتونه رامنځته کړي.
