د کانونو او پټرولیم وزارت سرپرست د مالیې وزارت د عوایدو او ګمرکونو له مرستیال سره وکتل
د کانونو او پټرولیم وزارت سرپرست الحاج ملا هدایت الله بدري د پنجشنبې په ورځ د ۲۰/۱۰/۱۴۰۳ نېټې د مالیې وزارت د عوایدو او ګمرکونو مرستیال او مل پلاوي سره په خپل کاري دفتر کې وکتل.
په دې غونډه کې یې د هېواد عایداتي سرچینو، د کاني زېرمو اغیزمن او غوره مدیریت، د قراردادونو پلي کولو او څارنې، د ټولنیزو خدماتو وړاندې کولو، د کاني سیمو بیا رغولو او د چاپیریال ساتنې ته د زیاتې پاملرنې په اړه یې بحث او نظرونه شریک او د لویو او کوچنیو کانونو، قیمتي او نیمه قیمتي ډبرو ارزښت او قراردادونو په اړه یې خبرې وکړې او لازم تصمیمونه یې ونیول.
