د کانونو او پټرولیم وزارت سرپرست د هلمند له والي سره وکتل
د کانونو او پټرولیم وزارت سرپرست الحاج ملا هدایت الله بدري د یکشنبې په ورځ د 1/7/1403 نېټې د هلمند له والي مولوي عبدالرحمن کندوزي سره په خپل کاري دفتر کې وکتل.
په دې کتنه کې د هلمند والي د کانونو او پټروليم وزارت د کړنو او لاسته راوړنو ستاینه وکړه، د یاد ولايت د کانونو په برخه کې يې د پانګونې د فرصتونو په اړه خبرې وکړې او د خلکو ستونزې يې د کانونو او پټرولیم وزارت له مشرتابه سره شريکې کړې.
د کانونو او پټرولیم وزارت سرپرست د هلمند د والي له راتګ څخه مننه وکړه ویې ویل: موږ د خپل هېواد او خلکو خدمت ته ژمن یو او ډاډ یې ورکړ چې د شته امکاناتو په شتون کې به د دوی د ستونزو د هواري په برخه کې لازم اقدامات ترسره شي.
