د کانونو او پټرولیم وزارت سرپرست په متحده عربي اماراتو کې مېشت د افغانستان له سفیر سره وکتل
د کانونو او پټرولیم وزارت سرپرست شیخ الحدیث شهاب الدین دلاور په متحده عربي اماراتو کې مېشت د افغانستان له سفیر محترم مولوي بدرالدین حقاني سره په خپل کاري دفتر کې وکتل.
په دې کتنه کې دواړو لورو پر بېلابېلو موضوعاتو په ځانګړي ډول د هېواد د کاني زېرمو، د لویو او کوچنیو کانونو د قراردادونو او په هغه هېواد کې د مېشتو افغانانو د وضعیت په اړه هر اړخیزې خبرې وکړې.
په پای کې په هغه هېواد کې مېشت د افغانستان محترم سفیر د یاد وزارت له مشرتابه څخه مننه وکړه ویې ویل: الحمدالله افغانستان ډېرې کاني زېرمې لري او د کانونو وزارت د مشر تابه د هڅو په پایله کې به دغه هېواد په راتلونکو کلونو کې په ځان بسیا شي، همدا راز یې په بېلا بېلو برخو کې د همکارۍ ډاډ څرګند کړ.
