د کانونو او پټرولیم وزارت سرپرست په چین هېواد کې د CAPEIC او Yellow River کمپنیو له استازو سره ولیدل

د کانونو او پټرولیم وزارت هیئت چین هېواد ته د خپل سفر په ترڅ کې د یاد هېواد د CAPEIC کمپنۍ له رئیس او د Yellow River کمپنۍ له استازو سره ولیدل.

په دغه کتنه کې یې د افغانستان د نفت او ګازو زېرمو د ارزښت، پانګونې او نورو بېلا بېلو برخو باندې خبرې وکړې.

د وزارت هیئت چینایي پانګوالو ته په افغانستان کې د پانګونې بلنه ور کړه او په یادو برخو کې یې ورسره د هر ډول قانوني همکاریو ژمنه وکړه.

د یادونې وړ ده چې د یادو ناستو سربېره یې د بېلا بېلو هېوادونو استازو او د شرکتونو له رئیسانو سره هم د کاني زېرمو په اړه بحث او نظرونه شریک کړل.