د کانونو او پټرولیم وزارت کارکوونکو ته د سایبري امنیت درې ورځنی ورکشاپ پیل شو
د مخابراتو او معلوماتي ټکنالوجۍ وزارت له خوا د کانونو او پټرولیم وزارت د بشري سرچینو او معلوماتي ټکنالوجۍ ریاستونو په همکارۍ د سایبري خطرونو او پېښو په اړه د پوهاوي درې ورځنۍ ورکشاپ د مرکز او ولایتونو د ټولو کارکوونکو لپاره په حضوري او انلاین ډول د دوشنبې په ورځ 29/5/1403 نېټې د کانونو او پټرولیم وزارت د غونډو په تالار کې پیل شو.
د ورکشاپ د پرانیستې په مراسمو کې د سایبري امنیت سرپرست رئیس ښاغلي خلیل الرحمن کبیرزوی د دغه ورکشاپ جوړېدل د وزارت د ټولو کارکوونکو لپاره مهم وباله او د یاد پروګرام په اړه یې عمومي معلومات وړاندې کړل.
ورپسې د مخابراتو او معلوماتي ټکنالوجۍ وزارت د سایبري امنیت ریاست څانګې روزونکو د سایبري ګواښونو د مخنیوي لارې چارې، د سایبري امنیت په برخه کې د نویو اصطلاحاتو په اړه پریزنټېشن وړاندې کړ.
